બહુ જ સુંદર લખાણ છે ગમશે

▪️ શિયાળામાં લોહી વહેતું રાખે એ માટે એક તાપણું જોઈએ અને
લાગણી વહેતી રાખે એ માટે એક આપણું જોઈએ.

▪️ જેને ગમ્યો એણે ધૂપ કહી દીધો મને, 
ના ગમ્યો જેને એ ધુમાડો કહી ગયા મને !!

▪️ પ્રભુને મળવા ગયો, ને રસ્તો ભૂલી ગયો, માણસ બનવા ગયો ને પ્રેમ ભૂલી ગયો,
પરિવાર ને પામવા ગયો ત્યાં ખુદ ને ભૂલી ગયો, પૈસા પામવા ગયો, તો પરિવાર ભૂલી ગયો.
જિંદગી ની દોડ માં હું ઉમર ભૂલી ગયો, અને ઉમર યાદ આવી ત્યારે, હું જીવન ભૂલી ગયો.. !!!
 
▪️ કોઇકની ખામી શોધવા વાળા માખી જેવા હોય છે સાહેબ..
જે આખું સુંદર શરીર છોડીને ઘાવ ઉપર જ બેસતા હોય છે..!!

▪️ મારી સાથે બેસીને... સમય પણ રડ્યો એક દિવસ,
બોલ્યો તું મસ્ત વ્યક્તિ છે.. હું જ ખરાબ ચાલી રહ્યો છુ..

▪️ શું વેંચીને તને ખરીદુ" જિંદગી"
મારુ તો બધુજ ગીરવી પડ્યું છે.
જવાબદારીના બજારમાં..!!

▪️ દિલનો નેક છું સાહેબ.."શરારત" કરું છું સૌની સાથે પણ "સાજિશ" નહિ
સ્વાદ અલગ છે મારા શબ્દોનો..ઘણા ને સમજાતો નથી તો ઘણા ને ભૂલાતો નથી.. !!!

▪️ રોજ સાંજે, સુરજ નહિ પણ..
આ અણમોલ જિંદગી . . ઢળતી જાય છે.. !!!
\

▪️ આંસુ ને ક્યાં હોય છે કોઈ વાણી..
સમજોતો મોતી ન સમજો તો પાણી.. !!!

▪️ સહન કરવાની આવડત હોય તો મુસીબતમાંય રાહત છે,
હ્રદય જો ભોગવી જાણે તો દુઃખ પણ એક દોલત છે.. !!!

▪️ એકાંત ને ઓગાળી ઓગાળી તેમા વ્યસ્ત રહુ છું, 
માણસ છુ મુરઝાઉ છુ તોયે મસ્ત રહુ છુ.. !!

▪️ આંખોમાં વસનારા જ રડાવી જાય છે...
દસ્તુર તો જુઓ આ દુનિયાનો પોતાના,
મો ચડાવી બેઠા ને પારકા હસાવી જાય છે..

▪️ મા-બાપનો વારસો સંભાળો એને સંસ્કાર ના કેહવાય,
પણ વારસાની સાથે મા-બાપને સંભાળો તો સંસ્કારી કેહવાય.

▪️ ફિક્કા ચેહરાઓની, ડોક્ટરે લોહીની તપાસ કરાવી ..
રિપોર્ટ માં આવ્યું, સંબંધો ની ઉણપ છે ..

▪️ મગજ કયારેય સીધું ચાલતું નથી,
અને હ્રદયને આડુ ચાલતા આવડતું નથી,
સરવાળે,,,,,
મગજ વાળા,હ્રદય વાળાની ભરપૂર મઝા લે છે.

▪️ જે માંગો એ બધુજ મળી જાય એ શક્ય નથી,
જિંદગી છે આ, બાપાનું ઘર નથી..

▪️ જીંદગી ના છેલ્લા દિવસે પણ મોજ થઈ શકે છે, 
પણ ખબર ના પડવી જોઈએ કે આજ છેલ્લો દિવસ છે...

▪️ ખબર છે કે મારૂં કશું જ નથી
છતાં છોડવાનું ગજું નથી !!!

Read More

શુભ દીપાવલી

 તૈમુર જેવું બાળપણ, આર્યન જેવી જવાની અને અનુપ જલોટા જેવો બુઢાપો મળે. ઘરનું દુધ ફાટી ગયા વગર પણ પનીરનું શાક બનાવી શકો. બહારગામ જતી વખતે ગાડી કાઢતાં પહેલાં મોબાઈલમાં કેલ્કયુલેટર ખોલી કિમી ભાગ્યા લીટર ન કરવા પડે. હોટેલમાં જમવા જાવ ત્યારે મેનુમાં જમણી કે ડાબી સાઈડ લખેલ ભાવ ત્રાંસી નજરે ન જોવા પડે ફકત વાનગી જ જોવાની. ખટારા અને રીક્ષા વાળાને ઘર તરફ જતી વખતે એ બાજુનું ભાડું મળે. દિવાળીના ધુંહજારા કરતી વખતે ગોદળીની બેવડમાંથી પાંચસોવાળીનું બંડલ મળે.(નવી નોટ હો!). લોક ડાઉનમાં એક ધારી હોય અને ત્યાંથી બે બીડીની જુડી નીકળે અને આનંદ થાય એવો આનંદ કાાયમ મળતો રહે. સુખ પેટ્રોલના ભાવની જેમ વધતું રહે અને દુખ રોજગારીની જેમ ઘટતુ રહે.

     અંબાણી ઉછીના માગવા આવે એટલી સંપતિ મળે. મોરારી બાપુ ચોપાઇનો અર્થ પુછે એટલું જ્ઞાન પ્રાપ્ત થાઓ. માર્ક ઝુકરબર્ગ ફેસબુકનું બીજુ નામ પુછવા આવે એવી પ્રસિદ્ધિ મળે. નિર્મલબાબા એની  રોકાયેલી કૃપા હાલતી કરવા તમારી પાસે આવી ડબલ માઈકમાં વિનંતી કરે. બાબા રામદેવ યોગ શીખવા જુની ગોદડી લઈ તમારી પાસે આવે. અમિતાભ એકટીંગ શીખવા તમને મીસકોલ મારે. તમને દેખી કોરોના પોતે માસ્ક પહેરી લે. બસ આટલી તમારી જાહોજલાલી ફાટી નીકળે એવી દિવાળી અને નવા વરસની શુભકામનાઓ.. ખુશ રહો મસ્ત રહો હસતા રહો. 

Read More

શું છે ભણતર અને શું છે ગણતર

 

એક મેલાઘેલા કપડા પહેરેલો સમોસા વાળો મારી સામેની સીટ પર આવીને બેઠો... 

મારી સામે જોઈને મુસ્કુરાયો. 

મારે પણ થોડે દૂર જવાનું હતું એટલે થયું કે લાવ થોડી વાતચીત કરૂં, એ બહાને સમય પસાર થશે...

મેં પૂછયું કે ભાઈ, થાકી જતા હશો નંઈ??

આખો દિવસ સમોસા વેંચીને? 

એણે કહ્યું હા સાહેબ. 

પરંતુ આજે હું બહુ જ ખુશ છું કેમકે બધા જ સમોસા વેંચાય ગયા છે.... 

મેં પૂછયું, રોજના કેટલા સમોસા વેચો છો??

એણે કહ્યું કે રોજના લગભગ 3500 ( સાડા ત્રણ હજાર) જેટલા સમોસા વેંચાય જાય છે.

ઈશ્વર ની કૃપાથી ચાલ્યા કરે છે... મેં કહ્યું તમે ખુદ જ બનાવો છો? 

એણે કહ્યું નહિં સાહેબ, 

હું બીજા પાસેથી તૈયાર સમોસા લઉં છું. અને એના પર એક 1 રૂપિયો નફો ચડાવીને વેંચી નાખું છું.... 

આ જાણીને હું દંગ રહી ગયો. 

આનો મતલબ તે દરરોજના રૂપિયા 3500 ( સાડા ત્રણ હજાર) કમાય લે છે.

આ હિસાબે મહિનાના રૂપિયા 100000(એક લાખ) થી પણ વધુ ની કમાણી કરે છે. 

આટલું તો હું પણ કમાતો ન હતો, મારો પગાર પણ રૂપિયા 30000(ત્રીસ હજાર) હતોઃ 

મેં પૂછયું કે, આ બધા પૈસા વાપરી નાખો છો?? 

એણે કહ્યું ના, જરૂર પુરતા પૈસા વપરાય જાય છે. અને બાકીના પૈસા વધે તે અન્ય ધંધામાં વાપરૂં છું.. 

મેં પૂછયું કે બીજા ધંધા શું છે??

એણે કહ્યું કે સાહેબ, પાંચ વર્ષ પહેલા એક જમીન 30 (ત્રીસ લાખ) માં લીધી હતી. 

જે હમણાં જ 4(ચાર ) કરોડમાં વેંચી. 

એ પૈસા થી અમુક સોનાની ખરીદી કરી.... અને 50 (પચાસ) લાખ રૂપિયા મારી દિકરી ના લગ્ન માટે રાખ્યા છે. 

અને બીજા પૈસા વધ્યા તેમાંથી મારા ગામડે 10(દશ ) વીઘા જમીન લઈને રાખી દીધી. 

જેથી થોડી ઘણી ખેતી ની ઉપજ થાય.... અને બાકીના પૈસામાંથી હમણાં એક જમીનનો ટુકડો લીધો છે. 

જે સારું વર્ષ થશે ને ભાવ વધુ આવશે તો વેંચી નાખીશ.... 

અને બાકીના છેલ્લા પૈસા વધ્યા તે.. મારી બાજુમાં એક સાહેબ રહે છે. જે મારા ખાસ ઓળખીતા છે. તેના દ્રારા મેં મ્યુચ્યુઅલ ફંડ ની સ્કિમમાં રોક્યા છે. 

અને સાથે સાથે મારો પણ એક વિમો લઈ લીધો. 

જેથી હું હયાત ના રહું તો મારી પત્નિને પૈસા ની તકલિફ ના પડે..

મને હવે લાગ્યું કે હું એક સમોસા વાળા સામે નહિં બલ્કે એક પાકા કરોડપતિ વેપારી સામે બેઠો છું.....✅

થોડીવાર પછી એના મોબાઈલમાં રિંગ વાગી અને તેણે 1000 એક હજાર વાળો સાદો ફોન કાઢ્યો, ને વાત કરી.

પછી મને કહ્યું કે સાહેબ, શું કરૂં મને ઈન્ટરનેટ નથી આવડતું એટલે આ સાદો ફોન વાપરૂં છું.... 

આ સાંભળીને મને વિચાર આવ્યો કે, 

શું ફેર પડે છે...?

ઈન્ટરનેટ આવડે છે એવા યુવાનો તો આજે 

E. M. I.થી મોબાઇલ ફોન અને બાઈક હપ્તેથી લઈને ફરે છે.. 

આજના યુવાનોને નાણાકીય સ્વતંત્રતા શું છે? એ ખબર જ નથી પડતી... 

રોકાણનો વિચાર જ આજના યુવાનોને નથી આવતો.... 

બસ જે હાથમાં હોય તે વાપરી નાખવાના એટલે વાત પતે.. 

ત્યાર બાદ સ્ટેશન આવ્યું એટલે સમોસા વાળો ભાઈ બોલ્યો, 

ચાલો સાહેબ હું જાઉં છું. .. 

ત્યારે મને થયું કે, હું જયાં મોંઘી કોલેજમાં હજારો રૂપિયા ભરીને ભણ્યો છું. પણ જીવનનો મહત્વનો પાઠ તો આ ઓછું ભણેલો સમોસા વાળો ભણાવી ગયો.

આપણા પૂર્વજો ખુબ ઓછું ભણેલા હોવા છતાં... 

આજના M. B. A. કરતાં પણ સુવ્યવસ્થિત અને સુજબુજ થી વેપાર કરી વ્યવહાર ચલાવતા હતા.. 

ત્યારે ભણતર ઓછું અને કોઠાસૂઝ વધુ હતીઃ..✅

શ્રી ભીખુદાન ભાઈ ગઢવી કહે છે તેમ, ભણેલા ને અભણ છેતરી જાય એનું નામ જ કોઠાસૂઝ.....✅

Read More